L'albergament sobeiran, sens la complexitat
Webgune es lo servici PaaS de KX712: una plataforma europèa per desplegar, albergar e escalar vòstras aplicacions en qualques segondas, sens jamai sacrificar la mestresa de vòstras donadas.
Rendre lo desplegament tan simple qu'un push
Nòstra conviccion es simpla: metre un projècte en linha deuriá pas exigir un diplòma d'administrador sistèma, e causir un albergaire simple deuriá pas obligar a confiar sas donadas a l'autre cap del mond.
Cada desvolopaire coneis aqueste moment: lo còdi es prèst, e es aquí que los tracasses comencan. Configurar un servidor, securizar los accès, brancar una basa de donadas, renovar de certificats… autant d'oras perdudas que aportan res al produch.
Webgune existís per suprimir aquesta friccion. Possatz vòstre còdi, la plataforma bastís, desplega e susvelha vòstra aplicacion. Los environaments de vòstres projèctes son isolats, vòstras basas de donadas son gestionadas, e vòstra aplicacion es servida a partir d'una infrastructura europèa.
E perque un albergaire se jutja sus la durada, tot es pensat per la fisança a long tèrme: tarifs legibles, estatut public de la plataforma, donadas reversiblas e supòrt uman.
Çò que guida cada decision
Quatre principis, presents dins cada causida tecnica e cada decision produch, de las foncionalitats que desvolopam als partenaris amb qui trabalham.
Sobeiranetat
Vòstras donadas rèstan en Euròpa, sus una infrastructura conforma al RGPD, fòra de portada de las leis extraterritorialas. Aquò's pas una opcion premium: es lo fondament de la plataforma, per totes los comptes, dempuèi l'ensag gratuit de 3 jorns.
Simplicitat
Un git push e vòstra aplicacion es en linha. Build, certificats SSL, basas de donadas, salvagardas: tot çò que vos alonha del còdi es automatizat. La complexitat de l'infrastructura es nòstre problèma, pas lo vòstre.
Transparéncia
De tarifs publics e legibles, un ensag gratuit per començar, e cap de linha susprenenta sus la factura. Sabètz çò que pagatz, perque o pagatz, e podètz partir quand volètz : vòstras donadas vos seguisson.
Proximitat
Darrièr lo supòrt, i a d'umans jonhables per telefòn e per corrièr electronic, que coneisson la plataforma perque la bastisson. Cap de chatbot que vira en redond, cap de tiquet perdut dins una fila d'espèra.
Europèa de cap en cap
Darrièr Webgune, KX712 opèra una infrastructura cloud modèrna pensada per als desvolopaires exigents: vòstras aplicacions, vòstras basas de donadas e vòstras salvagardas quitan pas jamai l'Euròpa.
Aquesta localizacion es pas un detalh de marketing. Determina lo drech que s'aplica a vòstras donadas, la latència que vivon vòstres utilizaires europèus, e la sereneitat amb la quala podètz respondre a un questionari RGPD.
- Donadas, basas e salvagardas albergadas en Euròpa
- Build, desplegament e SSL entièrament automatizats
- Conformitat RGPD sus l'ensems de la plataforma
- Un estatut public per seguir la disponibilitat en temps real
- Editor
- KX712
- Servici
- Webgune, plataforma PaaS
- Sites de calcul
- Nantes · Bordeaux · Pau
- Ret
- AS219066, nòstra pròpria ret
- Donadas
- En Euròpa, conformas al RGPD
- Supòrt
- D'umans, per telefòn e corrièl
- Telefòn
- +33 (0)9 72 23 25 00
- Corrièr
- support@webgune.cloud
La plataforma, al delà de l'albergament
Webgune, es tanben una documentacion suenhada, una comunautat, de modèls prèsts a desplegar e una transparéncia totala sus l'estat de la plataforma.
Enveja d'escambiar ?
Una question sus la plataforma, un projècte de migrar o simplament enveja d'ne saber mai ? Respondèm, per de bon.